ឈាមប្រភេទ O គឺជាឈាមដើមដំបូងគេបង្អស់នៃបុព្វបុរសរបស់យើង ជាអម្បូរមនុស្សដែលមានភាពបិនប្រសប់ និងឆ្លាតវៃ។ អ្នកដែលមានឈាមប្រភេទនេះមានតួនាទីយ៉ាងសំខាន់សម្រាប់ជួយនៅក្នុងសង្គម រហូតមកដល់សព្វថ្ងៃនេះ។ ការដឹកនាំ, ភាពសកម្ម, កម្លាំង និងសមត្ថភាព គឺស្ថិតនៅក្នុងចំណោមគុណភាពល្អបំផុតសម្រាប់មនុស្សដែលមានឈាមប្រភេទនេះ ពួកគេអាចមានអនុភាពនិងផលិតភាព។ ទោះជាយ៉ាងណាក៏ដោយ នៅពេលដែលពួកគេស្ថិតនៅក្រោមស្ថានភាពតានតឹងពួកគេអាចក្លាយទៅជាមនុស្សដែលមានចិត្តឆាប់ខឹង មានអារម្មណ៍ឆេវឆាវ និងខ្វះការពិចារណា។របបអាហារមិនគ្រប់គ្រាន់, កង្វះលំហាត់ប្រាណ, ទម្លាប់មិនល្អឬកម្រិតភាពតានតឹងមានការកើនឡើង ងាយនឹងធ្វើឲ្យការរំលាយអាហារមិនបានល្អ រួមបញ្ចូលទាំងភាពរឹងទទឹង, សកម្មភាពតិចនៃក្រពេញទីរ៉ូអ៊ីត និងជំងឺធាត់។
ហ្សែនក៏អាចជាកេរិ៍ដំណែលមួយដែលប្រែក្លាយជាឲ្យក្លាយទៅជាមនុស្សរឹងមាំ, មានអាយុវែង និងដើម្បីធ្វើឲ្យមានគំនិតសុទិដ្ឋិនិយមផងដែរ។
តើអ្វីដែលធ្វើឲ្យអ្នកក្លាយជាមនុស្សពិសេសលើសគេ?
ដោយសារតែប្រភេទឈាមរបស់ពួកគេ អាចជួយសង្រ្គោះទៅនឹងជំងឺមួយចំនួនដូចជា ជំងឺដំបៅ និង ការខូចមុខងារក្រពេញទីរ៉ូអ៊ីត…។ សមាជិកនៃក្រុមឈាមប្រភេទ O ជាធម្មតាមានកម្រិតទាបនៃអរម៉ូនទីរ៉ូអ៊ីត និងជាតិអ៊ីយ៉ូតគ្រប់គ្រាន់ ជាធាតុគីមីមួយដែលមានគោលបំណងតែមួយគត់គឺដើម្បីគ្រប់គ្រងអរម៉ូនទីរ៉ូអ៊ីតនោះ។ នេះបណ្ដាលមកពីផលប៉ះពាល់ជាច្រើនដូចជា ការធាត់ចាល់ជាតិទឹក និងភាពអស់កម្លាំង។
ពួកគេមានកម្រិតខ្ពស់នៃអាស៊ីតក្រពះជាងប្រភេទក្រុមឈាមដ៏ទៃទៀតជាញឹកញាប់ពួកគេតែងតែជួបបញ្ហាក្នុងការរលាកក្រពះនិងដំបៅក្រពះ។ នៅក្នុងប្រទេសជប៉ុន ក្រុមឈាមប្រភេទនេះ ត្រូវបានគេភ្ជាប់ជាមួយនឹងប្រភេទនៃបុគ្គលិកលក្ខណៈរបស់មនុស្ស។ អ្នកនឹងត្រូវបានគេសួរពីប្រភេទឈាមនៅពេលសម្ភាសការងារ មនុស្សដែលមានឈាមប្រភេទ O គឺច្រើនតែជាមនុស្សដែលមានការទទួលខុសត្រូវខ្ពស់, ការប្ដេជ្ញាចិត្ត, ការរៀបចំ, យកចិត្តទុកដាក់,មានមនសិកា និងការអនុវត្តជាក់ស្ដែង។
ភាពតានតឹងអាចបណ្ដាលមកពីកំហឹង និងការផ្ចង់អារម្មណ៍ខ្លាំងហួសហេតុពេក។ អ្នកដែលមានឈាមប្រភេទនេះងាយនឹងបញ្ចេញនូវឥរិយាបថបំផ្លិចបំផ្លាញនៅពេលដែលពួកគេមានការធុញទ្រាន់ខ្លាំងពេក,ពួកគេងាយឆាប់បាក់ទឹកចិត្ត ឬឆាប់មានការធុញទ្រាន់។ នេះរួមបញ្ចូលការលេងល្បែង, ការស្វែងរកនូវសេចក្ដីរំភើប, ការទទួលហានិភ័យ និងការលើកទឹកចិត្ត។ ជៀសវាងការទទួលទានជាតិកាហ្វេអ៊ីន និងជាតិអាល់កុល។ កាហ្វេអ៊ីនអាចបង្កគ្រោះថ្នាក់យ៉ាងខ្លាំងដោយសារតែការបង្កើននូវកម្រិតថ្នាំAdrenaline និង Noradrenaline ដែលមានមានកម្រិតខ្ពស់រួចទៅហើយ នៅក្នុងមនុស្សដែលមានឈាមប្រភេទនេះ។
ការធ្វើលំហាត់ប្រាណពិតជាមានសារសំខាន់ណាស់ ព្រោះវាមានភាពល្អប្រសើរក្នុងការសម្រាកនៅលើរាងកាយទាំងមូល។ ប្រភេទឈាម Oគឺជាតម្រូវការចាំបាច់ដើម្បីធ្វើឲ្យរាងកាយមានសកម្មភាពនិងមានស្ថិរភាពនៃអារម្មណ៍។ ការធ្វើលំហាត់ប្រាណទៀងទាត់ គឺត្រូវទាមទារឲ្យបាន៣ ទៅ ៤ ដងក្នុងមួយសប្ដាហ៍។
ចំពោះលទ្ធផលដ៏ល្អបំផុត សម្រាប់ការធ្វើលំហាត់ប្រាណត្រូវធ្វើចាប់ពី ៣០ ទៅ ៤០នាទី យ៉ាងហោចណាស់ឲ្យបាន៤ ដងក្នុងមួយសប្ដាហ៍។
ជាចុងក្រោយសម្រាប់អ្នកដែលមានឈាមប្រភេទ O ត្រូវតែកំណត់ផែនការឲ្យច្បាល់លាស់ ដើម្បីជៀសវាងការមានប្រតិកម្មកើតឡើងធ្វើឲ្យខ្វះការពិចារណា។ នាំមកនូវការផ្លាស់ប្ដូររបៀបរស់នៅរបស់អ្នកជាបន្ដបន្ទាប់៕
ប្រភព៖ healthyfoodteam.com
