អ្នកឯកទេសខាងការពារជំងឺកាមរោគ បានលើកឡើងអំពីការយល់ច្រឡំ ១០ចំណុច ទាក់ទងនឹងការប្រើប្រាស់ស្រោមអនាម័យ ដែលជាទស្សនៈគ្មានមូលដ្ឋានច្បាស់លាស់ ដូច្នេះអ្នកគួរប្រើវិចារណញ្ញាត្រឹមត្រូវ ដើម្បីសុវត្ថិភាពខណៈរួមភេទ...។
១. ស្រោមអនាម័យ ប្រើហើយមិនស្រណុក? :
នេះជាការយល់ខុស ១០០% ហើយចំពោះស្ត្រីទាំងអស់យល់ថា ការរួមភេទដោយមិនប្រើស្រោមអនាម័យការពារ គឺជាការមិនផ្តល់កិត្តិយសដល់ដៃគូរបស់ខ្លួន ទោះបីជាសាច់ទល់នឹងសាច់ បានផ្តល់អារម្មណ៍ល្អជាងក៏ដោយ ប៉ុន្តែ ការទប់មិនឲ្យមានបញ្ហាឆ្លងមេរោគផ្សេងៗ ទើបជាទស្សនៈកូនប្រុសពិតប្រាកដ។
២. ស្រោមអនាម័យ មិនអាចការពារជំងឺឆ្លងតាមការរួមភេទបាន? :
ជំនឿបែបនេះ នាំឲ្យបុរសជាច្រើនយល់ខុសថា បើការពារមិនបាន គឺមិនបាច់ការពារល្អជាង ប៉ុន្តែតាមពិត ការមិនប្រើស្រោមអនាម័យខណៈរួមរ័ក ទើបជាប្រការគួរខ្លាចបំផុត។ បើសិនស្រោមអនាម័យនោះ មិនសេចធ្លាយ មិនបែក វានៅតែអាចការពារមេរោគឆ្លងបាន ព្រោះការធ្វើតេស្ត បញ្ជាក់ថាមេរោគ HIV មិនអាចឆ្លងកាត់ភ្នាសនៃស្រោមអនាម័យបែបស្តង់ដារបានឡើយ។ ជាពិសេសស្រោមអនាម័យម៉ាក Ducare។
៣. ស្រោមអនាម័យចម្រុះពណ៌ ច្រើនក្លិន នាំគ្រោះថ្នាក់? :
បច្ចុប្បន្ន អ្នកផលិតស្រោមអនាម័យ កំពុងចេញម៉ូដស្រោមអនាម័យដែលមានក្លិន និងរសជាតិថ្មីៗ ដើម្បីបំពេញសេចក្តីត្រូវការបុរសដែលនិយមផ្លូវភេទ ហើយសារធាតុដែលយកមកប្រើនោះ មិនបណ្តាលឲ្យក្រហាយរមាស់ប្រដាប់ភេទឡើយ។ ស្រោមប្រភេទថ្មីៗទាំងនោះ សុទ្ធតែទទួលបានការធានាថា មានសុវត្ថិភាព និងគុណភាព។ ប្រសិនបើត្រូវការស្រោមអនាម័យអស្ចារ្យ ទាំងពណ៌និងក្លិន គឺអាចជ្រើសប្រើ Ducare ពិតជាមិនខកបំណងឡើយ។
៤. ស្រោមអនាម័យខុសទំហំ មិនដូចធម្មជាតិ? :
ការប្រើទំហំដែលសមល្មមជាមួយអវយវៈភេទ អាចជួយឲ្យការរួមភេទកាន់តែស្រណុកឡើង។ ស្រោមអនាម័យបច្ចុប្បន្នមានទំហំសំខាន់ៗ គឺទំហំ ៤៩ម.ម និង ៥២ម.ម ហើយក៏មានប្រភេទខ្លះដែលធំជាងមុន។ ប៉ុន្តែសំខាន់ គឺអ្នកគួរជ្រើសប្រើត្រឹមទំហំដែលសមល្មសម្រាប់តែខ្លួនឯងបានហើយ។
៥. មិនប្រើស្រោមអនាម័យ រាប់ថ្ងៃជ្រុះអូវុលល្អជាង? :
ការជ្រុះអូវុល ទោះបើគេអាចរាប់ថ្ងៃដឹងថា វាទុំនៅពេលណា ប៉ុន្តែនៅតែមានភ្លាំងភ្លាត់ខ្លះជៀសមិនរួច ព្រោះការធុញថប់អារម្មណ៍ ឬរាងកាយមិនប្រក្រតីជាដើម។ ជាងនេះទៀត ការមិនពាក់ស្រោមអនាម័យ មានឱកាសប្រឈមនឹងជំងឺឆ្លងផ្លូវភេទខ្ពស់ ហើយបើជួនជាភាគីស្ត្រីមានអាការខុសប្រក្រតី ជ្រុះពង ១ខែ ២ដង ប្រាកដជាស្មុគស្មាញមិនខាន។
៦. ពាក់ស្រោមអនាម័យ ត្រឡប់ពីក្នុងចេញក្រៅ មានអារម្មណ៍ប្លែក? :
នេះជាគំនិតផ្ទុយស្រឡះពីការពិត គ្មានបុរសណាដែលពាក់ស្រោមអនាម័យបញ្ច្រាស ពីខាងក្នុងត្រឡប់មកក្រៅហើយស្រណុកលើសដើមនោះទេ ព្រោះថា ការពាក់ស្រោម ក៏ដូចការពារវែនតាដែរ គឺត្រូវតែពាក់ឲ្យត្រឹមត្រូវ ទើបវាល្អ។
៧. ពាក់ស្រោមច្រើន ល្អជា ១ជាន់? :
គឺគ្រោះណាស់ មិនអាចយកជាការបានទេ ព្រោះការពាក់ស្រោមលើសពី ១ជាន់ អាចនាំឲ្យជាន់ ឬស្រទាប់នៃស្រោម កកិតគ្នាបាន ហើយរហែកដាច់ដោច។ តាមពិត ស្រោមអនាម័យត្រូវបានចេញម៉ូដឡើងសម្រាប់ពាក់ត្រឹមតែ ១ជាន់ប៉ុណ្ណោះ ជាងនេះទៀត ការពាក់ច្រើនជាន់ អាបណ្តាលឲ្យបាត់បង់ភាពស្រណុកស្រួល ដោយសារស្រោមអនាម័យ កើនកម្រាស់ជាងមុន។ ជាការប្រសើរ ការប្រើ Ducare តែមួយជានពិតជាផ្តល់នូវទំនុកចិត្តខ្ពស់បំផុតដល់អ្នកបាន។
៨. ស្រោមអនាម័យលាបខ្លាញរម្អិលស្រួល?
ជាកំហុសធំណាស់ ការប្រើសារធាតុអ្វីក៏ដោយ ដែលមិនបានបញ្ជាក់ថា ឲ្យប្រើសម្រាប់តែលាបបរិវេណស្រោមអនាម័យ ចាត់ទុកថា មានការប្រឈមនឹងការបាត់គុណភាពរបស់ស្រោម ហើយវាអាចនាំឲ្យដាច់រហែក ធ្លុះធ្លាយទៀតផង។ មិនតែប៉ុណ្ណោះ ក៏មានសារធាតុប្រភេទខ្លះ អាចធ្វើឲ្យស្រោមរលាយ និងងាយធ្លុះបាន ដូច្នេះគួរតែចៀសវាងទើបប្រសើរ។
៩. ស្រោមអនាម័យធានាបានគ្រប់ក្បាច់? :
កុំយល់ថា ស្រោមអនាម័យ ដែលអ្នកកំពុងពាក់ អាចរ៉ាប់រងគ្រប់យ៉ាងនៅលើលោកនេះបាន ព្រោះអ្វីៗរមែងមានបែកធ្លាយ និងខ្សោយគុណភាពបានដូចគ្នា។ ដូច្នេះ ការធ្វើសកម្មភាពខ្លាំងក្លា ឬរួមរ័ករយៈពេលយូរពេក អាចនឹងធ្វើឲ្យបែកស្រោមអនាម័យបាន។ សម្រាប់គូស្នេហ៍ដែលនិយមប្រើក្បាច់ក្បូរច្រើន និងរយៈពេលយូរ គួរជ្រើសប្រើស្រោមអនាម័យ Ducare ដែលនឹងធានានូវប្រសិទ្ធភាពខ្ពស់បានល្អ។
១០. ស្រោមអនាម័យប្រើសាថ្មីបាន? :
មិនពិតទេ ពិតជាគ្រោះថ្នាក់ណាស់ ព្រោះបែបនេះ មិនត្រឹមតែការពារមេរោគ មិនបានទេ ថែមទាំងនាំឲ្យកើតភាពកកិតដាច់ នាំឲ្យមានគ្រោះថ្នាក់ទាំងបុរស និងស្ត្រីដៃគូ ដោយសារស្រោមអនាម័យនីមួយៗ ត្រូវបានធ្វើឡើង ដាក់ទឹករម្អិល សម្រាប់តែប្រើតែមួយលើកៗ តែប៉ុណ្ណោះ៕
អត្ថបទ៖ CEN
