ក្រសួង​ព័ត៌មាន​តម្រូវ​ឱ្យ​គ្រប់​ស្ថានីយទូរទស្សន៍​ទាំងអស់ចាក់ផ្សាយវណ្ណកម្មខ្មែរ នៅម៉ោង៧ដល់៩យប់

ជាថ្មីម្តងទៀត ក្រសួងព័ត៌មាន បានប្រកាសឱ្យស្ថានីយទូរទស្សន៍ទាំងអស់ រៀបចំចាក់វណ្ណកម្មខ្មែរ ដូចជាភាពយន្ត និងសិល្បៈដទៃទៀតរៀងរាល់ថ្ងៃ ចាប់ពីម៉ោង៧ ដល់ ៩យប់ ដើម្បីលើកស្ទួយវិស័យវប្បធម៌ និងអត្តសញ្ញាជាតិខ្មែរ។

លិខិតក្រសួងព័ត៌មានផ្ញើទៅកាន់ស្ថានីយទូរទស្សន៍នានា នៅថ្ងៃទី២៥ ខែកញ្ញា ឆ្នាំ២០១៥នេះ បានតម្រូវឱ្យស្ថានីយទាំងអស់ អនុវត្តតាមសេចក្តីណែនាំរបស់ក្រសួង ចាប់ពីថ្ងៃទី០១ ខែវិច្ឆិកា ឆ្នាំ២០១៥តទៅ ។ ក្រសួងព័ត៌មាន បានរកឃើញថា កន្លងមកមានស្ថានីយទូរទស្សន៍ជាច្រើន បានចាក់ផ្សា​យខ្សែភាពយន្តបរទេស យ៉ាងច្រើនលើសលុប នៅតាមកញ្ចក់ទូរទស្សន៍ ដែលធ្វើឱ្យប៉ះពាល់ដល់វប្បធម៌ប្រពៃណីខ្មែរ។

ខាងក្រោមនេះជាសេចក្តីប្រកាសរបស់រដ្ឋមន្រ្តីក្រសួ​ងព័ត៌មាន​៖