បើតាមការប្រកាសរបស់ក្រសួងអប់រំ យុវជន និងកីឡាបានបញ្ចេញមុននេះបន្តិចបានអោយដឹងថា លទ្ធផលប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា សម័យប្រឡង ៖ ២៤ សីហា ២០១៥ មានបេក្ខជនប្រឡងជាប់ចំនួន ៤៦ ៥៦០ នាក់ ត្រូវជា ៥៥,៨៨% នៃបេក្ខជនវត្តមានចំនួន ៨៣ ៣២៥នាក់។ ចំពោះថ្នាក់វិទ្យាសាស្ត្រ មានបេក្ខជនប្រឡងជាប់ចំនួន ៣៩ ៦៨៨ នាក់ ត្រូវជា៥៣,៨៧% និងដោយឡែកចំពោះថ្នាក់វិទ្យាសាស្ត្រសង្គម មានបេក្ខជនប្រឡងជាប់ចំនួន ៦ ៨៧២ នាក់ ត្រូវជា៧១,១៨%។
បេក្ខជនដែលមាននិទ្ទេស A មានចំនួន ១០៨ នាក់ និទ្ទេស B មានចំនួន១ ០៨៥ នាក់ និទ្ទេស C មានចំនួន៣ ២៩២ នាក់ និទ្ទេស D មានចំនួន ៦ ០៩៣ នាក់ និងនិទ្ទេស E មានចំនួន ៣៥ ៩៨២ នាក់។៚
អត្ថបទ៖ ឡុង
