ចិនបានចាប់ផ្តើមស្រាវជ្រាវលើបច្ចេកវិទ្យាអ៊ីនធើរណេត 5G លើកចុងក្រោយដែលមានល្បឿនលឿនជាងគេបំផុត ហើយនឹងត្រូវធ្វើឡើងចាប់ពីឆ្នាំនេះតទៅ ។ ដូច្នេះ ការប្រើប្រាស់សេវា 5G នឹងមានជាផ្លូវការចាប់ពីឆ្នាំ២០២០ ខាងមុខ ។ នេះបើយោងតាមក្រសួងឧស្សាហកម្ម និងបច្ចេកវិទ្យាបានឲ្យដឹង ។
« នៅចន្លោះឆ្នាំ២០១៦ និង២០១៨ ចិនគ្រោងនឹងអភិវឌ្ឍន៍ហ្វ្រេកង់ទំនាក់ទំនង និងស្តង់ដាសម្រាប់សាកល្បង និងប្រតិបត្តិការ មុននឹងដាក់ឲ្យប្រើប្រាស់នៅឆ្នាំ២០២០ »។ នេះបើតាមប្រសាសន៍របស់ប្រធានផ្នែកទូរគមនាគមន៍។
នេះជាលើកដំបូងហើយដែលមន្ត្រីប្រតិបត្តិការបានចាប់ផ្តើមចុះផ្សាយជាផ្លូវការនៃការអភិវឌ្ឍសេវាកម្ម 5G នៅប្រទេសចិន ដែលជាទីផ្សារទូរស័ព្ទធំជាងគេ និងមានអ្នកប្រើប្រាស់១,៣លាននាក់ ។
ជាមួយនឹងការអភិវឌ្ឍល្បឿនលឿនជាង 1 gigabyte ក្នុងមួយវិនាទី និង១០-២០នាទីលឿនជាងបច្ចេកវិទ្យា 4G ក្រុមហ៊ុនធំៗ Huawei និងក្រុមហ៊ុន Ericsson បានបង្ហាញផលិតផលដែលត្រូវអភិវឌ្ឍន៍សេវាកម្ម 5G នៅក្នុងកិច្ចប្រជុំសមាជទូរស័ព្ទចល័ត ដែលជាសន្និសីទសារព័ត៌មានឧស្សាហកម្មទូរគមនាគមន៍ធំជាងគេមួយលើពិភពលោក ដែលប្រព្រឹត្តទៅនៅរដ្ឋបាសេឡូណា ក្នុងសប្តាហ៍នេះ ។
ក្រុមហ៊ុនទូរស័ព្ទ Ericsson រំពឹងថា នឹងមានអ្នកប្រើប្រាស់សេវាកម្ម 5G ចំនួន១៥០លាននាក់នៅក្នុងឆ្នាំ២០២១ខាងមុខនេះដូចជា ប្រទេសចិន កូរ៉េខាងត្បូង ជប៉ុន និងសហរដ្ឋអាមេរិក ៕
ប្រភព៖ អេវឺរីដេ
