នៅព្រឹកថ្ងៃទី២៩ ខែកុម្ភៈ ឆ្នាំ២០១៦ នេះ ចៅក្រមសាលាឧទ្ធរណ៍បានប្រកាសសាលដីកាដាក់ពន្ធនាគារ៥ឆ្នាំ ដែលបន្ថយទោសពី៧ឆ្នាំមកនៅ៥ឆ្នាំវិញ។ ការប្រកាសនេះបានធ្វើឡើងនៅកំបាំងមុខជនជាប់ចោទឈ្មោះ អូ រស្មី អាយុ៣៦ឆ្នាំ តែកាលពីថ្ងៃទី២៤ ខែកុម្ភៈ ជនជាប់ចោទត្រូវបាននាំខ្លួនចូលក្នុងបន្ទប់សវនាការ ។
សូមបញ្ជាក់ថា ចៅក្រមសាលាឧទ្ធរណ៍កាលពីព្រឹកថ្ងៃទី២៤ ខែកុម្ភៈ ឆ្នាំ២០១៦ កន្លងទៅនេះ បានបើកសវនាការជាអសាធារណៈកាត់ទោសអតីតតារាចម្រៀង អូ រស្មី ប្រចាំផលិតកម្មឆ្លងដែន និងរៃមាស ពីបទជួញដូរមនុស្សដោយមានគោលដៅ និងសញ្ចរកម្មមានស្ថានទម្ងន់ទោសពាក់ព័ន្ធនឹងការអូសទាញក្មេងស្រីអាយុ១៤ឆ្នាំទៅរួមភេទជាមួយតាតា ។ ទោះបីជាយ៉ាងណាក្តី ក្រោយការសួរដេញដោលរបស់លោកចៅក្រម ប្លង់ សំណាង ក៏បានផ្អាក និងលើកពេលប្រកាសសាលដីកាមកថ្ងៃទី២៩ ខែកុម្ភៈ ឆ្នាំ២០១៦ នេះវិញ ៕
ប្រភព៖ កោះសន្តិភាព