បន្ទាប់ពីចេញផ្សាយភ្លាមៗនៃ បទ ពុកខ្ញុំជាប៉ូលីសចរាចរណ៍ ដែលបកស្រាយដោយអ្នកនាង ចេន សាយចៃ ទទួលបានការគាំទ្រជាខ្លាំងទាំងអត្ថន័យបទចម្រៀង និងសាច់រឿងទាំងមូលប្រទាក់ក្រឡាយ៉ាងល្អឥតខ្ចោះរបស់ផលិតកម្ម ថោន។
វីដេអូបទចម្រៀងនេះ ត្រូវបានដឹកនាំសម្ដែងដោយអ្នកដឹកនាំល្បីឈ្មោះឈានមុខប្រចាំផលិតកម្ម ថោន គឺលោក ប៊ុន រតនា ដែលមានប្រហែល២២នាទី ស្ទើស្មើនឹងកុនខ្នាតល្បីមួយ បានអង្រួនចិត្តអ្នកទស្សនាជាខ្លាំងជាមួយខ្លឹមសារសាច់រឿងបែបអប់រំ ទស្សនាហើយស្ទើស្រក់ទឹកភ្នែក។
